इन्द्रसरोवर गाउँपालिकाको वडा न. १ साबिक मकवानपुर जिल्लाको  मार्खु गा.बि.स.का ९ वडा हरु समेटेर पुन संरचना  गरिएको हो |साविक मार्खु गाबिस हाल वडा न.१ को आफ्नै खालको किम्मदन्ति छन् | स्थानीय तामाङ भाषामा मा-खु अर्थात निङगालो टुशाको तरकारी र म्हार-खु अर्थात घिउ र तरकारी अथवा  निङगालो टुशाको तरकारी र तरकारीमा धेरै घिउ राखेर खाने गाउँवस्ती हो र यस शब्दको अपभ्रम्स भएर पछी मार्खु लेख्दै चलनचल्तीमा आएको स्थानीय पूर्वजहरुको भनाई रहेकाछन् |

मकवानपुर जिल्लाको उत्तर पश्चिम  भूभाग रहेको  मार्खुको उत्तर पश्चिम साबिक चित्लाङ गा.बि.स. हाल थाहा नगरपालिका  वडा नं १०  संघ जोडिएको छ भने पूर्वमा इन्द्रसरोवरकै वडा नं. ५ तथा दक्षिणी भेग  इन्द्रसरोवर २ र थाहा नगरकै  भूभाग संग सिमाना जोडिएको छ |  मुख्य तया  तामाङ जतिको बसोबास रहेको यस वडामा ब्राम्हण क्षेत्रि तथा  नेवार जति को पनि उल्लेखनीय  जनसंख्या रहेको छ |मकवानपुर जी.बि.स. पार्श्वचित्र २०७३  मा  उल्लेखित  भए अनुरुप  ३९  बस्ति संख्या ७१५ घरधुरी र ४२२४  जनसंख्या  भएको यस वडाको मौसम  समशितोष्ण  रहेको छ | नेपालकै एकमात्र मानब निर्मित ताल  रहेको यस  वडा  मकवानपुर जिल्लाको प्रमुख पर्यटकीय  गन्तब्यको रुपमा चिर परिचित  रहनुका साथै देशकै लागि एक प्रमुख जलविधुत उर्जा  भण्डार को रुपमा रहेको छ | 

इन्द्रसरोवर ताललाई कुलेखानी जलाशयको रुपमा पनि चिनिन्छि । यो ताल मुलुककै  हालसम्म सबैभन्दा ठुलो मानव निर्मित जलाशय हो । यहाँ वार्षिक करिब १ लाख २० हजार आन्तरिक तथा बाह्य पर्यटक आउने गरेको आँकडा छ । मार्खु र कलंकी वरिपरिका ९ वटा खोला र खोल्साका पानीलाई एकत्रित गरेर २०३८ सालमा इन्द्रसरोवर ताल निर्मा०ा गरिएको हो ।७ किलोमिटर लम्बाई रहेकायो तालको अधिकांश भाग इन्द्रसरोवर गाउँपालिकाको वडा नं १ मार्खु र केही भाग वडा नं २ कुलेखानीमा पर्दछ ।उक्त जलाशयको बाँधबाट कुलेखानी पहिलो, कुलेखानी दोस्रो र कुलेखानी तेस्रो आयोजनाहरु सञ्चालन भैरहेका छन् । 
यहाँ साना देखि मझौला किसिमका सुबिधा सम्पन्न होटल तथा रिसोर्टहरु सञ्चालनमा रहेका छन् । यहाँको होटलहरुमा करिव ७०० जना.सम्म पर्यटकहरुलाई बसोवास तथा खाना नास्ताको व्यवस्थापनको क्षमता रहेको छ भने अन्य केही सुविधासम्पन्न होटलहरु निर्मा०ाको क्रममा रहेको छ ।पर्यटकहरुको मनोरञ्जनको लागि डुङ्गा चढ्ने सुबिधा रहेको छ भने कुलेखानीको ताजा माछाको स्वाद लिन पाइन्छ ।इन्द्रसरोवर तालमा डुङ्गा सयर गर्दा हुन सक्ने आकस्मिक दुर्घटनामा उद्धारका लागि मोटरबोटको व्यवस्था गरिएको छ ।