जेष्ठ नागरिकहरुको सम्मानको लागि इन्द्रसरोवर गाउँपालिकाको आयोजनामा मिति २०८१ माघ ११ गते देखि माघ १५ गते सम्म सम्पूर्ण वडाहरूमा संचालन हुने ६८ बर्ष माथिका जेष्ट नागरिक, ६० बर्ष माथिका एकल महिला, ६० बर्ष माथिका दलित जेष्ठ नागरिक र “क” र `ख´ बर्गका अपाङ्गता परिचय-पत्र प्राप्त गर्ने व्यक्तिहरु र सरकारी सेवाबाट निवृत्त भई नियमित पेन्सन लिईरहेका ६८ वर्ष माथिका जेष्ठ नागारिक तथा भत्ता प्राप्त गर्ने दलित बालबालिकालाइ न्यानो कपडा वितरण, नि:शुल्क स्वास्थ्य परिक्षण तथा खाजा कार्यक्रम अन्तर्गत आज दोस्रो दिन ३ नं. वडा, सिस्नेरीमा कार्यक्रम सम्पन्न भयो। उक्त कार्यक्रमको अध्यक्षता गाउँपालिका वडा नं.३ का वडा अध्यक्ष श्री प्रताव भोम्जन ज्यूले गर्नु भएको थियो। गाउँपालिका उपाध्यक्ष श्री उमा कुमारी लामा ज्यूको विशेष उपस्थिति रहेको कार्यक्रममा कार्यपालिका सदस्य श्री लिला सुनार, प्रशासकीय अधिकृत श्री दीपक चापागाई, वडा सदस्य श्री हिरामाया मोक्तान साथै अन्य विशिष्ट व्यक्तिहरुको समुपस्थिति रहेको थियो। साथै कार्यक्रममा डा. रिसव सर बाट जेष्ठ नागरिकाहरूले स्वास्थ्य परिक्षण गरिएको थियो। कार्यक्रममा २०४ जना जेष्ठ नागरिकाहरूलाई न्यानो कपडा वितरण गरिएको थियो भने ७६ जनाले स्वास्थ्य परिक्षण गरेका थिए।