जेष्ठ नागरिकहरुको सम्मानको लागि इन्द्रसरोवर गाउँपालिकाको आयोजनामा मिति २०८० चैत ९ गते देखि चैत १४ गते सम्म सम्पूर्ण वडाहरूमा संचालन हुने ६८ बर्ष माथिका जेष्ट नागरिक, ६० बर्ष माथिका एकल महिला, ६० बर्ष माथिका दलित जेष्ठ नागरिक र “क” बर्गका अपाङ्गता परिचय-पत्र प्राप्त गर्ने व्यक्तिहरु र सरकारी सेवाबाट निवृत्त भई नियमित पेन्सन लिईरहेका ६८ वर्ष माथिका जेष्ठ नागारिकहरुलाइ मायाको चिनो वितरण, नि:शुल्क स्वास्थ्य परिक्षण तथा खाजा कार्यक्रम अन्तर्गत आज १ नं. वडा, मार्खुमा कार्यक्रम सम्पन्न भयो। उक्त कार्यक्रमको अध्यक्षता गाउँपालिका वडा नं.१ का वडा अध्यक्ष श्री सुवास थापा मगर ज्यूले गर्नु भएको थियो। गाउँपालिका उपाध्यक्ष श्री उमा कुमारी लामा ज्यूको प्रमुख उपस्थिति रहेको कार्यक्रममा वडा नं.२ का वडा अध्यक्ष श्री सुमन श्रेष्ठ, कार्यपालिका सदस्य, योजना तथा प्रशासकीय अधिकृत श्री दीपक चापागाई, वडा सदस्यहरू, स्वास्थ्य शाखा प्रमुख श्री मन्नुनाथ अधिकारी, महिला बालबालिका शाखाबाट श्री कमला देवी शर्मा, सामाजिक सुरक्षा तथा पञ्जीकरण शाखाबाट श्री मञ्जरी बलामी, स्वास्थ्यकर्मीहरू का साथै अन्य विशिष्ट व्यक्तिहरुको समुपस्थिति रहेको थियो। साथै कार्यक्रममा डा. रामेश्वर कुमार साह बाट जेष्ठ नागरिकाहरूले स्वास्थ्य परिक्षण गरिएको थियो। चैत ९ गते देखि चैत १४ गते सम्म सम्पूर्ण वडाहरूमा संचालन भएको कार्यक्रममा १ नं. वडामा १६२, २ नं. वडामा १७२, ३ नं. वडामा १५९, ४ नं. वडामा ६२ र ५ नं. वडामा १५७ जम्मा ७१२ जानलाई मायाको चिनो प्रदान गरिएको छ।